የኢትዮጵያ ብሔራዊ ምርጫ ቦርድ ህዳር 23 ቀን 2014 ዓ.ም ከፓለቲካ ፓርቲዎች ጋር ምክክር ያደረገ ሲሆን ምክክሩም ፓርቲዎች በማስከተል (ከምርጫ ማግስት) ሊያሟሏቸው ስለሚገባቸው መስፈርቶች፣ ከመንግስት ስለሚገኝ የገንዘብ ድጋፍ እና እንቅስቃሴዎቻቸው ላይ ስላጋጠማቸው ገደቦች ያካተተ ነበር፣ በብሔራዊ ምርጫ ቦርድ ዋና ሰብሰቢ ብርቱካን ሚደቅሳ እና ምክትል ሰብሳቢ ውብሸት አየለ በተመራው ይህ ውይይት ላይ በቦርዱ ተመዝግበው የሚገኙ የፓለቲካ ፓርቲዎች ተገኝተዋል።

ለፓርቲዎች ከመንግስት ስለተሰጠው ድጋፍ እና ድጋፉን አስመልክቶ ማቅረብ ስለሚገባው ሪፓርት ጥያቄዎችን ያቀረቡ ሲሆን፣ ስለጠቅላላ ጉባኤ እንዲሁም ፓርቲዎች አባላት እና ደጋፊዎቻቸው ላይ ስላጋጠሟቸው ችግሮች ምክክር ተደርጓል።

በመሆኑም ምክክሩን ተከትሎ ቦርዱ የሚከተሉት ውሳኔዎችን አስተላልፏል፤

የኢትዮጵያ ብሔራዊ ምርጫ ቦርድ በሶማሌ፣ በሃረሪ እና በደቡብ ብሔር ብሔረሰቦች እና ህዝቦች ክልል ድምጽ አሰጣጥን በመስከረም 20 ቀን 2014 ዓ.ም ያከናወነ ሲሆን በተወሰኑ የምርጫ ክልሎች የአቤቱታዎች ዝርዝር ታይቶ ውሳኔ እስኪሰጥ ድረስ ይፋ ያልተደረጉ የምርጫ ክልሎች እንደነበሩ ይታወቃል። ቦርዱ የነበሩ አቤቱታዎችን በዝርዝር በማየት በምርጫ ክልሎቹ የተከናውነው የድምጽ አሰጣጥ እና ቆጠራ ላይ የሚከተሉትን ውሳኔዎች አስተላልፏል።

ሶማሌ ክልል

የኢትዮጵያ ብሔራዊ ምርጫ ቦርድ 6ተኛው አጠቃላይ ምርጫን በአብዛኛው የአገራችን ክፍሎች አከናውኖ ያጠናቀቀ ሲሆን በቤኒሻንጉል ጉሙዝ ክልል ውስጥ በሚገኙ 17 ምርጫ ክልሎች ( በአብዛኛው የክልል ምክር ቤት) ምርጫ ያልተከናወነ መሆኑ ይታወቃል።

ይህንን አስመልክቶ ከሚመለከታቸው ፓርቲዎች፣ የክልል መስተዳደር እና የጸጥታ አካላት ጋር ተከታታይ ውይይቶችን እና ምክክሮችን ሲያደርግ ቆይቶ፣ የሚያስፈልገውን የጸጥታ ፍላጎቶች ከተሟሉ ምርጫው ሊከናወንበት የሚችለውን ጊዜያዊ የጊዜ ሰሌዳ ለፓርቲዎች እና ለሚመለከታቸው ባለድርሻ አካላት አቅርቧል። ከስር በሚገኘው ማስፈንጠሪያ የሚያስፈልገውን የፀጥታ ሃይል ሁኔታ፣ የዝግጅት ማጠቃለያ እና የቀረበውን የጊዜ ሰሌዳ መመልከት ይቻላል።

1. የጊዜ ሰሌዳ

የኢትዮጵያ ብሔራዊ ምርጫ ቦርድ ዋና ሰብሳቢ ብርቱካን ሚደቅሳ ዛሬ መስከረም 20 ቀን 2014 ዓ.ም. በሐረሪ ክልል፣ በሶማሌ ክልል እና በደ/ብ/ብ/ሕ ክልል እየተካሄደ ያለው ምርጫ በሰላም እየተካሄደ እንደሆነ ለብዙኃን መገናኛ አካላት ገለጹ። ቦርዱ ከምርጫ ጣቢያዎች፣ ከምርጫ ክልሎች፤ ከተወዳዳሪ ፖለቲካ ፓርቲዎቸ እንዲሁም ከታዛቢዎች የሚመጡለትን ሪፖርቶች እየተቀበለ አፋጣኝ ምላሽ እየሰጠ እንዳለ የገለጹት ሰብሳቢዋ፤ ከነዚህም ውስጥ ሶማሌ ክልል ፊቅ ምርጫ ክልል የሚገኙ ጣቢያዎች የድምፅ መስጫ ወረቀቶቻቸው በውኃ በመበላሸታቸው ከመጠባበቂያ ላይ መጠቀማቸው፣ ሞያሌ ላይ ድኩቺ ምርጫ ጣቢያ ድምጽ አሰጣጥ ከመቋረጡ ውጪ መሰረታዊ የሆነ ችግር እንዳልገጠመ ገልጸዋል። እንዲሁም ዳውሮ ዞን የሲቪል ማህበራት ታዛቢ ለአጭር ጊዜ ታሥሮ የነበረ መሆኑ (አሁን ተፈቷል) ከቀረቡት ሪፖርቶች ውስጥ ተጠቃሽ ናቸው።