የኢትዮጵያ ብሔራዊ ምርጫ ቦርድ፤ የባልደራስ ለእውነተኛ ዲሞክራሲ ፓርቲ ብሔራዊ ምክር ቤት በነሐሴ 15 ቀን 2014 ዓ.ም. ለሦስተኛ ጊዜ ተጠርቶ አቶ አምሀ ዳኜው ምክትል ፕሬዚዳንት እንዲሆኑ ያሣለፈውን ውሣኔና ጠቅላላ ጉባዔ ለመጥራት የሄደበት ሂደት አስመልክቶ ፓርቲው ያቀረበውን ሠነድ ከዐዋጁና ከፓርቲው መተዳደሪያ ደንብ አንጻር በመመርመር ሂደቱ የተሟላ በመሆኑ ቦርዱ ተቀብሎታል። በመሆኑም ፓርቲው ጠቅላላ ጉባዔውን የሚያካሂድበትን ቀን በመቁረጥ ለቦርዱ በማሳወቅ እንዲያከናውን ቦርዱ ወሥኗል።

ደብዳቤው እዚህ ላይ ያገኙታል

የኢትዮጵያ ብሔራዊ ምርጫ ቦርድ በደ/ብ/ብ/ሕ ክልል በሚገኙ ስድስት ዞኖች እና አምስት ልዩ ወረዳዎች ላይ ለሚያካሄደው ሕዝብ ውሣኔ፤ በምርጫ አስፈጻሚነት ለመሣተፍ ፍላጎት ያላቸውን አመልካቾች ማስታወቂያ በማውጣት መመዝገቡ ይታወቃል። ሆኖም ሕዝበ ውሣኔው በሚካሄድባቸው የተወሠኑ ዞኖች እና ልዩ ወረዳዎች ውስጥ ባሉ ቀበሌዎች እና ምርጫ ጣቢያዎች ላይ በቂ ምርጫ አስፈጻሚ ባለመገኘቱ ፍላጎት ያላቹ አመልካቾች እስከ ኅዳር 12 ቀን 2015 ዓ.ም. ድረስ ከታች የተቀመጠውን ማስፈንጠሪያ በመጫን እንድታመለክቱ ቦርዱ ያሳውቃል።

ለማመልከት እዚህ ላይ ይጫኑ

የኢትዮጵያ ብሔራዊ ምርጫ ቦርድ በብሔራዊ ምርጫ ቦርድ ማቋቋሚያ ዐዋጅ ቁጥር 1133/2011 እና በኢትዮጵያ የምርጫ፣ የፖለቲካ ፓርቲዎች ምዝገባ እና የምርጫ ሥነ-ምግባር ዐዋጅ ቁጥር 1162/2011 መሠረት የፖለቲካ ፓርቲዎችን የመመዝገብ ኃላፊነት ተሰጥቶታል።

በዚሁ መሠረት በእነአቶ ዩሱፍ ሁሴን “የሱማሌ ፌዴራሊስት ፓርቲ (ሱ.ፌ.ፓ)” በሚል ስያሜ የክልላዊ የፖለቲካ ፓርቲ የምዝገባ ጥያቄ ያቀረቡ በመሆኑ በዐዋጅ ቁጥር 1162/2011 አንቀጽ 68 ንዑስ አንቀጽ ሁለት እና ሦስት መሠረት በፓርቲው ስም፣ ዐርማ ወይም ሌሎች ጉዳዮች ተቃውሞ ያለው ሰው ይህ ማስታወቂያ ከወጣበት ከዛሬ ኅዳር 8 ቀን 2015 ዓ. ም. ጀምሮ በ14 ቀናት ውስጥ ተቃውሞውን የቦርዱ ዋናው መሥሪያ ቤት 2ኛ ፎቅ ቢሮ ቁ. 207 እንዲያቀርብ ቦርዱ ያሳስባል።

የኢትዮጵያ ብሔራዊ ምርጫ ቦርድ

የኢትዮጵያ ብሔራዊ ምርጫ ቦርድ በደቡብ ብ/ብ/ሕ ክልል በሚገኙ ስድስት ዞኖችና አምስት ልዩ ወረዳዎች ማለትም በጋሞ፣ ጎፋ፣ ወላይታ፣ ደቡብ ኦሞ፣ ጌዲዮ እና ኮንሶ ዞኖች እንዲሁም ቡርጂ፣ ደራሼ፣ ባስኬቶ፣ አሌ እና አማሮ ልዩ ወረዳዎች ላይ የሚካሄደውን ሕዝበ ውሣኔ በተመለከተ የተለያዩ ተግባራትን እያከናወነ እንደሆነ ይታወቃል። ከዚሁ ጋር ተያይዞ የምርጫ ቦርዱ በሕዝብ ውሣኔው ላይ በሚነሡ የተለያዩ ሃሳቦች ላይ የሚደረገውን ክርክር ለማስተባበር ይፈልጋል። በመሆኑም ቦርዱ በዚሁ ጉዳይ ላይ ፍላጎት ያላችሁ ተቋማት እና መገናኛ ብዙኃንን በተናጠል ወይም በጋራ በመሆን ክርክር የማዘጋጀት ዝርዝር የፍላጎት መግለጫ (Expression of interest) እንድታቀርቡ ጥሪ ያቀርባል።

ማንኛውም በህዝበ ውሳኔ ዙርያ ክርክር ወይም ውይይት ለማዘጋጀት የሚያስብ ተቋም የሚመለከቱትን ዋና ዋና ነገሮችን የያዘ የፍላጎት መግለጫ ሰነድ ሊያቀርብ ይገባል።

የኢትዮጵያ ብሔራዊ ምርጫ ቦርድ በደቡብ ብ/ብ/ሕ ክልል በሚገኙ ስድስት ዞኖችና አምስት ልዩ ወረዳዎች ማለትም በጋሞ፣ ጎፋ፣ ወላይታ፣ ደቡብ ኦሞ፣ ጌዲዮ እና ኮንሶ ዞኖች እንዲሁም ቡርጂ፣ ደራሼ፣ ባስኬቶ፣ አሌ እና አማሮ ልዩ ወረዳዎች ላይ የሚካሄደውን ሕዝበ ውሣኔ በተመለከተ የተለያዩ ተግባራትን እያከናወነ እንደሆነ ይታወቃል። በዚህ መሰረት የመራጮች የግል ውሳኔ በመረጃ ላይ የተመሰረተ እንዲሆን የሚያስችል በቂ መረጃ እና ሀሳብ እንዲያገኙ ለማድረግ ቦርዱ በህዝበ ውሳኔው አማራጮች ላይ ሃሳቦች እና አስተያየቶች ወደ ህዝብ የሚቀርብባቸውን የክርክር፣ የውይይት፣ እና የምከክር መድረኮችን በማመቻቸት ላይ ይገኛል።

የኢትዮጵያ ብሔራዊ ምርጫ ቦርድ በደቡብ ብ/ብ/ሕ ክልል በሚገኙ ስድስት ዞኖችና አምስት ልዩ ወረዳዎች ማለትም በጋሞ፣ ጎፋ፣ ወላይታ፣ ደቡብ ኦሞ፣ ጌዲዮ እና ኮንሶ ዞኖች እንዲሁም ቡርጂ፣ ደራሼ፣ ባስኬቶ፣ አሌ እና አማሮ ልዩ ወረዳዎች ላይ የሚካሄደውን ሕዝበ ውሣኔ በተመለከተ የተለያዩ ተግባራትን እያከናወነ እንደሆነ ይታወቃል። በዚህ መሰረት የመራጮች የግል ውሳኔ በመረጃ ላይ የተመሰረተ እንዲሆን የሚያስችል በቂ መረጃ እና ሀሳብ እንዲያገኙ ለማድረግ ቦርዱ በህዝበ ውሳኔው አማራጮች ላይ ሃሳቦች እና አስተያየቶች ወደ ህዝብ የሚቀርብባቸውን የክርክር፣ የውይይት፣ እና የምከክር መድረኮችን በማመቻቸት ላይ ይገኛል።