የኢትዮጵያ ብሔራዊ ምርጫ ቦርድ እሁድ መጋቢት 8 ቀን 2016 ዓ.ም. በተካሄደው የታላቁ ሩጫ በኢትዮጵያ የሴቶችና እና የአካል ጉዳተኞች ሩጫ ላይ ተሳትፎ ያደረገ ሲሆን በተለይ የአካል ጉዳተኞች ውድድር ላይ ትኩረት በማድረግ ለአባላቱ ያለውን አጋርነት አጠናክሯል። በዕለቱ ከጠዋቱ ሁለት ሰዓት ጀምሮ እስከ ሁለት ተኩል የቀጠለው የሴት አካል ጉዳተኞች የሩጫ ውድድር ‘የኢትዮጵያ ብሔራዊ ምርጫ ቦርድ የአካል ጉዳተኞች ውድድር' በሚል ስያሜ የተካሄደ ሲሆን በውድድሩ ላይ ከተለያዩ በአካል ጉዳተኞች ጉዳይ ላይ ከሚሠሩ የሲቪል ማህበረሰብ ድርጅቶች አባላት የተውጣጡ ሴት የአካል ጉዳተኞች ተሳትፈዋል።
የኢትዮጵያ ብሔራዊ ምርጫ ቦርድ የ ‘አንድ ኢትዮጵያ ዲሞክራሲያዊ ፓርቲ’ በ 2015 ዓ.ም በቦርዱ የተደረገለትን የበጀት ድጋፍ ለታለመለት ዓላማ እንዳላዋለ እና ከፍተኛ ገንዘብ በፓርቲው አመራሮች እና ሌሎች አባላት ለግል ጥቅም እንዲውል መደረጉን በመገንዘቡ ፓርቲው እና አመራሮቹ እንዲታገዱ፤ተገቢው የወንጀል ምርመራ እንዲጀመር እና አላግባብ ወጪ የሆነውን ገንዘብ በተመለከተ የፍ/ብሄር ክስ እንዲመሰረትና ገንዘቡ ለቦርዱ ተመላሽ እንዲደረግ የካቲት 28 ቀን 2016 ዓ.ም. ውሳኔ አሳልፋል፡፡
የኢትዮጵያ ብሔራዊ ምርጫ ቦርድ የ6ኛው ዙር የጠቅላላ ምርጫ በተለያዩ ምክንያቶች ባልተካሄደባቸው የምርጫ ክልሎች ምርጫውን ለማከናወን በዝግጅት ላይ ይገኛል።
በዚህም መሰረት በአፋር ክልል በ ዞን 5 በሚገኙ ወረዳዎች በሙሉ ፣ በቡሬሞዳይቱ ፣ ገዋኔ ፤ በዳሎል እና በጉሊና የምርጫ ክልሎች ላይ እንዲሁም በቤንሻንጉል ጉምዝ በአሶሳ ዞን አሶሳ ሆሃ፣ አሶሳ መገሌ፣ መንጌ እና ኦዳብልድጉል በካማሺ እና መተከል ዞኖች ሁሉም ወረዳዎች በሶማሌ ክልል ጅጅጋ ከተማ እና በማዕከላዊ ኢትዮጵያ ክልል መስቃን ማረቆ 2 ላይ ነዋሪ የሆኑ እና መስፈርቱን የሚያሟሉ የምርጫ ጣቢያ አስፈጻሚዎችን ቦርዱ አወዳድሮ ለመቅጠር ይፈልጋል በዚህም መሰረት፤
• ከ 18 አመት በላይ የሆናችሁ
• ከዚህ በፊት በምርጫ አስፈጻሚነት ያገለገላችሁ
• የፖለቲካ ፓርቲ አባል ያልሆናችሁ
• የ 12ተኛ ክፍል እና ከዛ በላይ የትምህርት ዝግጀት ያላችሁ
የኢትዮጵ ብሔራዊ ምርጫ ቦርድ በቤንሻንጉል ጉምዝ፣ በአፋር፣ በሶማሌና በማዕከላዊ ኢትዮጵያ ክልሎች ላይ ለሚያከናውነው የ6ኛውን ሀገራዊ ምርጫ ቀሪና የድጋሚ ምርጫን አስመልክቶ ጊዜያዊ የጊዜ ሠሌዳ ይፋ ማድረጉ ይታወቃል። ይኽንንም ተከትሎ ቦርዱ የካቲት 29 ቀን 2016 ዓ.ም. ከታዛቢ ሲቪል ማኅበራት እና የሰብአዊ መብቶች ተከታታይ ድርጅቶች ጋር ውይይት አካሂዷል።
የታላቁ ሩጫ በኢትዮጵያ የሴቶች እና የአካል ጉዳተኞች ሩጫ አስተባባሪዎች የኢትዮጵያ ብሔራዊ ምርጫ ቦርድን ጨምሮ ሌሎች ባለድርሻ አካላት በተገኙበት ለመነን የልጃገረዶች አዳሪ ትምህርት ቤት ፕሮግራሙን አስተዋውቋል፡፡ በዚህ መርሀ ግብር ላይ የተጋበዘው የኢትዮጵያ ብሔራዊ ምርጫ ቦርድ ለትምህርት ቤቱ ማህበረሰብ በተለይም ለታዳጊ ተማሪዎች ስለምርጫ ምንነት እና በኢትዮጵያ የምርጫ ሂደት ዙሪያ በተግባር የተደገፈ የግንዛቤ ማስጨበጫ ገለፃ አድርጓል፡፡
የኢትዮጵያ ብሔራዊ ምርጫ ቦርድ በማቋቋሚያ አዋጅ ቁጥር 1133/2011 እና የኢትዮጵያ ምርጫ፣ የፖለቲካ ፓርቲዎች ምዝገባና የምርጫ ስነ-ምግባር አዋጅ ቁጥር 1162/2011 እና በመራጮች ትምህርት እውቅና አሰጣጥ እና ስነ ምግባር መመሪያ ቁጥር 4/2020 በተደነገገው መሰረት በህጋዊ መንገድ የተመዘገቡ የሲቪል ማህበረሰብ ድርጅቶችንና ከፍተኛ የትምህርት ተቋማትን የመራጮች ትምህርት መስጠት እንዲችሉ እውቅና የመስጠት ኃላፊነት አለበት።
የኢትዮጵያ ብሔራዊ ምርጫ ቦርድ ሰኔ 14 ቀን 2013 ዓ.ም. እንዲሁም መስከረም 20 ቀን 2014 ዓ.ም. ጠቅላላ ሀገራዊ ምርጫ ማካሄዱ ይታወቃል። ሆኖም በተለያዩ ምክንያቶች ምርጫው ባልተካሄደባቸው በ አፋር፤ ቤንሻንጉል ጉምዝ በሶማሌ እና በማዕከላዊ ኢትዮጵያ ክልል በ2016 ዓ.ም. በጀት ምርጫውን ለማከናወን በዝግጅት ላይ ይገኛል። በዚህም መሰረት በ አፋር ክልል (በ ዞን 5 በሚገኙ ወረዳዎች በሙሉ ፣በ ዞን 3 ቡሬሞዳይቱ እና ገዋኔ፤ በዞን 2 ዳሎል እንዲሁም በዞን 4 ጉሊና) የምርጫ ክልሎች ላይ እንዲሁም በ ቤንሻንጉልጉምዝ በአሶሳ ዞን አሶሳ ሆሃ፣ አሶሳ መገሌ፣ መንጌ እና ኦዳብልድጉል፤ በካማሺ እና መተከል ዞኖች ሁሉም ወረዳዎች በሶማሌ ክልል ጅጅጋ ከተማ እና በማዕከላዊ ኢትዮጵያ ክልል መስቃን ማረቆ 2 ላይ መስፈርቱን የሚያሟሉ የምርጫ ጣቢያ አስፈጻሚዎችን ቦርዱ አወዳድሮ ለመቅጠር ይፈልጋል በዚህም መሰረት፤
•ከ 18 አመት በላይ የሆናችሁ
የኢትዮጵያ ብሔራዊ ምርጫ ቦርድ ከአቃቂ ቃሊቲ ክፍለ ከተማ ወረዳ 4/12 ምክር ቤት በተደረገለት ግብዣ መሰረት የስነ-ዜጋና መራጮች ትምህርት ክፍል ከቦርዱ አዲስ አበባ ቅ/ጽ/ቤት እንዲሁም ከምርጫ ኦፐሬሽንስ የሥራ ክፍል ጋር በመቀናጀት ለሕፃናት ፓርላማ አባላትና ለባለድርሻ አካላት በዲሞክራሲያዊ ምርጫ የዜጎች መብትና ሃላፊነቶች፥ የኢትዮጵያ የምርጫ ሂደትን ከምርጫ ህጉ አኳያ እና በሕፃናት የፓርላማ አሰራር፥ አወቃቀርና መልሶ ማደራጀት ዙሪያ ላይ ያተኮረ የአንድ ቀን ሥልጠና የካቲት 16 ቀን 2016 ዓ.ም. ሰጥቷል።
የኢትዮጵያ ብሔራዊ አንድነት ኮንግረስ በአዋጅ ቁጥር 1162/11 መሰረት በሀገር ዓቀፍ ፓርቲነት ለመመዝገብ ጥያቄ አቅርቦ በአዋጁ አንቀጽ 64 መሰረት ፓርቲው ከአምስት ክልሎች ማቅረብ የሚገባውን አስር ሺህ (10,000) የመስራች አባላት በቁጥር ያቀረበ ቢሆንም የክልላዊ አባላት ስብጥርን በሚመለከት ግን ከአንድ ክልል መሟላት ከሚገባው አንድ ሺህ አምስት መቶ (1,500) መስራች አባላት ውስጥ አንድ ሺህ አርባ አምስት (1,045) መስራች አባላት ብቻ ያቀረበ በመሆኑ ለሀገር ዓቀፍ የፖለቲካ ፓርቲ የሚያስፈልገውን የመስራች አባላት ክልላዊ ስብጥር አሟልቶ ስላልቀረበ ከየካቲት 29 ቀን 2014 ዓ.ም ጀምሮ ከፖለቲካ ፓርቲነት እንዲሰረዝ የኢትዮጵያ ብሔራዊ ምርጫ ቦርድ ወስኖ ነበር፡፡
የኢትዮጵያ ብሔራዊ ምርጫ ቦርድ በስነ-ዜጋ እና መራጮች ትምህርት ላይ በትኩረት እየሠራ ሲሆን ዜጎች በቂ የስነ-ዜጋ እና ምርጫ ነክ ግንዛቤ እንዲኖራቸው ቦርዱ የተለያዩ የመገናኛ ዘዴዎችን በመጠቀም ትምህርት እየሰጠ ይገኛል። በዚሁ መሠረት የስነ-ዜጋ እና መራጮች ትምህርት የሥራ ክፍል ከቦርዱ የአዲስ አበባ ቅርንጫፍ ጽ/ቤት ጋር በመቀናጀት በቅርቡ በአዲስ አበባ ከተማ በሚገኙ ትምህርት ቤቶች እና የህዝብ ቤተ-መጻሕፍት አስተማሪ የሆኑ የተለያዩ የሕትመት ውጤቶችን ማለትም ቡክሌት እና ብሮሸሮችን የግንዛቤ ገለፃ በመስጠት ማሰራጨት ተችሏል።
