የኢትዮጵያ ብሔራዊ ምርጫ ቦርድ የፌደራል ጠቅላይ ፍርድ ቤት 2ተኛ ሰበር ሰሚ ችሎት የወሰነውን ውሳኔ አስመልክቶ ዝርዝር የአፈጻጸም ማብራሪያ የጠየቀበት ጽሁፍ ከስር ከሚገኘው ሊንክ ላይ ማግኘት ይቻላል።
ደብዳቤዉን ለማግኘት እዚህ ላይ ይጫኑ
ባልደራስ ለእውነተኛ ዴሞክራሲ ፓርቲ ለቦርዱ በእጩነት አቅርቧቸው የነበሩ የፓርቲው አባላትን አስመልክቶ የፍ/ቤት ውሳኔ እንዲፈጸም በደብዳቤ ላቀረቡት ጥያቄ ቦርዱ የሰጠው ምላሽ
የኢትዮጵያ ብሔራዊ ምርጫ ቦርድ ሰኔ 14 ቀን 2013 ዓ.ም ለሚከናወነው የድምጽ መስጫ ቀን ዝግጅቶቹን እያጠናቀቀ ይገኛል። በመራጮች ምዝገባ ወቅት ካጋጠሙት የትራንስፓርት እና የሎጄስቲክስ ችግሮች ትምህርት በመውሰድ ከክልል መንግስታት ጋር በመነጋገር ለድምጽ መስጫ ቀን የሚያስፈልጉትን እገዛዎች እያስተባበረ ነው።
በዚህም መሰረት ቦርዱ ለክልል መስተዳድሮች ድምጽ መስጫ ቀን ሊያቀርቡት የሚገባውን የትራንስፓርት ትብብር ግዴታ በዝርዝር በጽኁፍ ያሳወቀ ሲሆን ይህም የድምጽ መስጫው ቀን በታቀደለት ሁኔታ እንዲፈጸም ወሳኝ ተግባር ነው። በየክልሎቹ የሚገኙ ምርጫ ጣቢያዎች ዝርዝር፣ አስፈላጊውን የመጓጓዥ ብዛት እና ቀኖች ትብብር ከስር በተያያዙት ደብዳቤዎች ላይ ይገኛል።
የኢትዮጵያ ብሔራዊ ምርጫ ቦርድ ከመንግስት የሚገኘውን የፓለቲካ ፓርቲዎች ድጋፍ ገንዘብ ለማከፋፈል መስፈርቶችን አውጥቶ እና ከፓለቲካ ፓርቲዎች ጋር ምክክር በማከናወን መወሰኑ ይታወሳል። በዚህም መሰረት
የመጀመሪያው ዙር ክፍፍል የተጠናቀቀ ሲሆን ለፓርቲዎች የተደረገው አጠቃላይ የገንዘብ ክፍፍል ቀመር እና መስፈርት ዝርዝር በሚከተለው ሊንክ ላይ ይገኛል።
የኢትዮጵያ ብሔራዊ ምርጫ ቦርድ በትላንትናው ዕለት የካቲት 18 ቀን 2013 ዓ.ም. የአውሮፓ ሕብረትና የጀርመን መንግሥት በጋራ ያበረከቱለትን 22 መኪኖች ተረከበ። የቦርዱ ዋና ሰብሳቢ ብርቱካን ሚደቅሳ በተገኙበት የተፈጸመው ርክክብ 12 ሃርድ ቶፕ እና 10 ፒክ አፕ መኪኖችን ያካተተ ነው። ዋና ሰብሳቢዋ ቦርዱ የሎጀስቲክ እንቅስቃሴ ላይ ያለበትን ውስንነት ገልጸው ለተደረገው ድጋፍ ያላቸውን ልባዊ ምስጋና አቅርበዋል። ቦርዱ በመንግሥትም ሆነ በአውሮፓ ሕብረት የሚደረጉለት ድጋፎች አስፈላጊነት ገልጸው፤ ለዛም ቦርዱ አመስጋኝ ነው ብለዋል።
የኢትዮጵያ ብሔራዊ ምርጫ ቦርድ በብዛት የሚጠቀማቸው ከምርጫ ጋር ተያያዥነት ያላቸው ቃላቶች የተወሰኑት እንደሚከተሉት ተዘርዝረዋል፡፡
#በምርጫብቻ
የኢትዮጵያ ብሔራዊ ምርጫ ቦርድ ከፓለቲካ ፓርቲዎች በተመዘገቡ እጩዎች ላይ ያላቸውን ቅሬታ እና አቤቱታ ሲቀበል መቆየቱ ይታወሳል። በዚህም መሰረት ዋና ዋናዎቹ ውሳኔ የተሰጠባቸው አቤቱታዎች የሚከተሉት ናቸው።
1. የዎላይታ ብሔራዊ ንቅናቄ በወላይታ ዞን አቃቤ ህግ በእጩነት ተመዝግበዋል ብሎ አቤቱታ የቀረበው ጥያቄ ቦርዱ ተቀብሎ ለብልጽግና ፓርቲ የአቃቤህግነት ስራቸውን መልቀቃቸውን ወይም አቃቤ ህግ መሆን አለመሆናቸውን የሚያሳይ ማስረጃ እንዲያቀርብ ቦርዱ ጠይቋል።
2. የጋምቤላ ህዝብ ነጻነት ዴሞክራሲያዊ ንቅናቄ ብልፅግና ፓርቲ ካቀረባቸው እጩዎች መካከል የክልሉ ጠቅላይ አቃቤ ህግ ቢሮ ሀላፊ እንደሆኑና ይህም ከሕጉ ጋር እንደሚቃረን በመግለፅ አቤቱታ አቅርበዋል። በዚህም መሰረት ቦርዱ ለብልጽግና ፓርቲ እጩው ስራውን መልቀቅ እንዳለባቸው ወይም እጩነታቸውን መተው እንደሚገባቸው ወስኖ ለፓርቲው አሳውቋል።
የመራጮች ምዝገባ ከተጠናቀቀ በኋላ ባሉት10 ቀናት የመራጮች መዝገብ ይፋ ተደርጎ ፓርቲዎች፣ ታዛቢዎች እና የሚመለከታቸው አካላት ሲመለከቱት የቆዩ ሲሆን የመራጮች መዝገብ ይፋ ማድረግ ሂደት በዛሬው እለት ተጠናቋል። ቦርዱ የመራጮች መዝገብ ይፋ ከተደረገበት ጊዜ አንስቶ የመጡ አቤቱታዎችን ከፓርቲዎች በመተባበር ለመመርመር እና ለመፍታት ሙከራ ሲያደርግ ቆይቷል። አሁን ግን የመራጮች ምዝገብ ይፋ ማድረጊያ ጊዜ በመጠናቀቁ ፓርቲዎች በሂደቱ የታዘባችሁትን እና መፈታት አለበት የምትሉትን አቤቱታ የምርጫ ክልል እና ጣቢያን በማካተት እስከ ነገ ማታ 11፡30 ድረስ ለቦርዱ እንድታስገቡ እየጠየቅን ቦርዱ የቀረቡለት አቤቱታዎችን ለመመርመር እና ለመፍታት ከፍተኛ ጥረት የሚያደርግ መሆኑን እንገልጻለን።
የኢትዮጵያ ብሔራዊ ምርጫ ቦርድ
የኢትዮጵያ ብሔራዊ ምርጫ ቦርድ ለድምጽ መስጫ ቀን አስፈጻሚነት ተጨማሪ አስፈጻሚዎችን እየመለመለ እንደሆነ ይታወቃል። ይህ ተጨማሪ የአስፈጻሚዎች ምልመላ በስራ ላይ ያላችሁ አስፈጻሚዎችን የማይጨምር ሲሆን አሁን ይፋ በሆነው ማመልከቻ ማመልከት አይጠበቅባችሁም።
በመሆኑም የአስፈጻሚዎች ማመልከቻ የወጣው አዲስ በአስፈጻሚነት ለመስራት ለሚፈልጉ እንጂ ከቦርዱ ጋር እየሰራችሁ ያላችሁትን የሚመለከት አለመሆኑን ለመግለጽ እንወዳለን።
የኢትዮጵያ ብሔራዊ ምርጫ ቦርድ
የኢትዮጵያ ብሔራዊ ምርጫ ቦርድ ሚያዝያ 30 ቀን 2013 ዓ.ም ባወጣው መግለጫ እንዳስታወቀው በሶማሌ ብሔራዊ ክልል የሚገኙ የተለያዩ የፓለቲካ ፓርቲዎች የመራጮች ምዝገባ ሂደቱ ጉልህ የአሰራር እና የህግ ጥሰቶች አሉት በሚል አቤቱታ እና ማስረጃ ማቅረባቸውን፣ እንዲሁም የቀረቡት አቤቱታዎች እና ማስረጃዎች መሰረት አድርጎ ምርመራ ማድረግ እንደሚገባ ቦርዱ መገንዘቡን እና በዚህም መሰረት መጣራት እነደሚገባቸው በማመን በሰባት የምርጫ ክልሎች የመራጮች ምዝገባ በጊዜያዊነት እንዲቋረጥ በመወሰን የምዝገባ ሂደቱ ላይ የቀረቡ አቤቱታዎችን ማጣራት እንደሚያከናውን ማሳወቁ ይታወሳል።
