የኢትዮጵያ ብሔራዊ ምርጫ ቦርድ የሲዳማ የክልልነት የመደራጀት ጥያቄ የህዝበ ውሳኔ አማራጮች አስተያየትና አመለካከቶች ከህዝብ የሚቀርብበት መድረክ ማመቻቸት ይፈልጋል፡፡ ስለሆነም በዚህ ፕሮግራም ላይ መሳተፍ የምትፈልጉ የሲቪክ ማህራትና በሲዳማ ዞን የምትንቀሳቀሱ የፓለቲካ ፓርቲዎች ይህ ማስታወቂያ ከወጣበት ቀን ጀምሮ እስከ ጥቅምት 13 ቀን 2012 ዓ.ም ድረስ ፍላሚንጎ ፊትለፊት የሚገኘው የኢትዮጵያ ብሔራዊ ምርጫ ቦርድ ዋና ጽህፈት ቤት ወይም በሃዋሳ ከተማ በሚገኘው የቦርዱ ቅርንጫፍ ጽህፈት ቤት ድረስ በመቅረብ እንድትመዘገቡ ቦርዱ ያሳውቃል፡፡
የሲቪል ማህበራት ወኪሎች ለምዝገባ በምትቀርቡበት ወቅት የምትሰሩበትን ዘርፍ የሚያሳይ፣ ስልጣን ከተሰጠው አካል የተሰጣችሁን የማህበራት ምዝገባ ሰነድ ይዛችሁ መቅረብ እንደሚገባችሁ በዚህ አጋጣሚ በአክብሮት ይገልጻል፡፡
የኢትዮጵያ ብሔራዊ ምርጫ ቦርድ በመጪው ህዳር 2012 ዓ.ም ለሚያካሂደው የሲዳማ የክልልነት የመደራጀት ጥያቄ ህዝበ ውሳኔ 6000 የሚሆኑ የህዝበ ውሳኔ አስፈጻሚዎችን በበጎ ፍቃደኝነት ለአንድ ወር ማሰራት ይፈልጋል፡፡
ስለሆነም ከታች የተዘረዘሩትን መስፈርቶች የምታሟሉ አመልካቾች የትምህርት ማስረጃችሁን ዋናውን ና ኮፒ በመያዝ ንፋስ ስልክ ቡና ቦርድ ፊትለፊት በሚገኘው የቦርዱ ማሰልጠኛ ማእከል በአካል በመገኘት ከመስከረም 24 ቀን 2012 ጀምሮ በስራ ሰአት እንድትመዘገቡ እናሳስባለን፡፡
አመልካቾች ማሟላት ያለባቸው መስፈርቶች
• የማንኛውም የፓለቲካ ፓርቲ አባል ያልሆነ/ያልሆነች
• በትምህርት ዝግጅታቸው በማንኛውም የትምህርት መስክ የመጀመሪያ ዲግሪ ያላት/ ያለው
• እድሜ ከ20- 45 አመት የሆነች/የሆነ
• በገጠር ቀበሌዎች ተንቀሳቅሰው መስራት የሚችሉ
መስከረም 27 ቀን 2012 ዓ.ም.
ዛሬ መስከረም 27 ቀን 2012 ዓ.ም. “የኢትዮጵያ ብሔራዊ ምርጫ ቦርድ እና የፓለቲካ ፓርቲዎች ሊያደርጉት የነበረው ውይይት ላልተወሰነ ጊዜ ተራዘመ” በሚል ርእስ በኢትዮጵያ ብርድካስቲንግ ኮርፓሬሽን ፌስቡክ ገጽ የተዘገበው ዜና የተሳሳተ መሆኑን የኢትዮጵያ ብሔራዊ ምርጫ ቦርድ ለማሳወቅ ይወዳል።
የኢትዮጵያ ብሔራዊ ምርጫ ቦርድ በዛሬ ዕለት ከፖለቲካ ፓርቲዎች ጋር ያደረገው ምንም ዓይነት ውይይትም ሆነ ድርድር ያላደረገ ሲሆን የኢቢሲም ሆነ የኢቢሲን ዜና መሠረት በማድረግ የዘገቡ ሌሎች ሚዲያዎች ዜናዎችን ከማሰራጨታቸው በፊት ማጣራት እንዲያደርጉ የኢትዮጵያ ብሔራዊ ምርጫ ቦርድ ያሳስባል። ቦርዱ ማንኛውንም የመረጃ ጥያቄዎች ለመመለስ ዝግጁ መሆኑን በዚህ አጋጣሚ ለመግለጽ ይወዳል።
የኢትዮጵያ ብሔራዊ ምርጫ ቦርድ ለ9ኙ ክልሎችና ለ2ቱ ከተማ አስተዳደሮች የምርጫ ክልል ሃላፊነት አወዳድሮ ለመመደብ የስራ ማስታወቂያ ማውጣቱ ይታወሳል፡፡ ነገር ግን ለሃረሪ ክልል፣ ለድሬዳዋ ከተማ መስተዳድር፣ ለጋምቤላ ክልል፣ ለአማራ ክልል በቂ አመልካች ባለመገኘቱ ከስር የተጠቀሰውን ዝርዝር መስፈርት የምታሟሉ እና በሶስቱ ክልሎች እና በድሬዳዋ ከተማ መስተዳድር መስራት ለምትፈልጉ የማመልከቻ ጊዜው ከዛሬ ከመስከረም 26 2012 ዓ.ም ጀምሮ ባሉት 7 ተከታታይ ቀናት ስለተራዘመ ማመልከቻችሁን ማስገባት እንደምትችሉ ያሳውቃል፡፡
የሲዳማ ክልልነት ህዝበ ውሳኔ አፈጻጸም መርሃ-ግብር መሰረት የቅስቀሳ ጊዜ ከመስከረም 23 - 28 ቀን 2012 ዓ.ም በሚል ታቅዶ እንደነበረ ይታወሳል፡፡ ነገር ግን የህዝበ ውሳኔ ቅስቀሳው የመራጮች ምዝገባ ከሚደረግበት ጊዜ ጋር የተቀራረበ ቢሆን ይሻላል በሚል ስለታመነበት የቅስቀሳ መርሃግብሩ ከጥቅምት 18 - 22 ቀን 2012 ዓ.ም ድረስ ባሉት ቀናት እንዲሆን ተብሎ ተሻሽሏል፡፡ ቦርዱ በአፈጻጸም ጉዳዮች የተነሳ የሚኖሩ የቀናት ለውጥና መሸጋሸጎችን ለወደፊትም ይፋ የሚያደርግ ይሆናል፡፡
የኢትዮጵያ ብሔራዊ ምርጫ ቦርድ
መስከረም 14 ቀን 2012 ዓ.ም.
የኢትዮጵያ ብሔራዊ ምርጫ ቦርድ የኢዜማ ፓርቲ መሪ እውነታ አዛብቶ የሚያቀርብ ንግግር ላይ ማስተካከያ የሰጠ ሲሆን ወደፊትም በተመሳሳይ ክትትል በማድረግ የተዛቡ መረጃዎችን እርምት እንደሚሰጥ ለመግለጽ ይወዳል። የኢትዮጵያ ብሔራዊ ምርጫ ቦርድ ማስታወሻ የኢዜማ ፓርቲ መሪ ንግግር ከስር በሚገኘው ማስፈንጠሪያ ከ4ተኛ ደቂቃ ጀምሮ ይገኛል።
Ethiopia -ESAT Bezih Samint ከፕ/ር ብርሃኑ ነጋ ጋር በወቅታዊ የሀገራችን ጉዳይ ላይ
የኢትዮጵያ ብሔራዊ ምርጫ ቦርድ በዋና መስሪያ ቤት ደረጃ የጀመረውን ውስጣዊ አደረጃጀት ሪፎርም በክልል ደረጃ በማስፋት በ9 ክልሎች የሚገኙት ቅርንጫፍ ጽህፈት ቤቶቹን እንደአዲስ እያደራጀ ይገኛል፡፡ የዚህ ስራ ዋናው አካል የክልል የምርጫ ሃላፊዎችን እንደስራ አመራር ቦርዱ አባላት አመራረጥ ሁሉ የሚመለከታቸው አካላት የተሳተፉበት እንዲሆን ማድረግ ነው፡፡ በዚህም መሰረት በዘጠኙ ክልሎች እና በሁለቱ የከተማ አስተዳደሮች በእጩነት ለመወዳደር የሚፈልጉና ከስር የተጠቀሰውን መስፈርት የሚያሟሉ ግለሰቦች የአመላመል ሂደት እንዲሁም በመጨረሻ ይህን የክልል ቅርጫፍ መስሪያ ቤት ዋና ሃላፊነትን አስመልከቶ ቦርዱ የሚሰጠው የቅጥር ውሳኔ በሚዲያ በይፋ የተገለጸ እንዲሆን ማድረግ አስፈልጓል፡፡
በዚህም መሰረት በክልል የምርጫ ቅርንጫፍ ጽህፈት ቤት ኃላፊነት በዕጩነት የሚቀርቡ አመልካቾች ማሟላት የሚኖርባቸው መስፈርቶች፡-
ጳጉሜ 2 ቀን 2011 ዓ.ም.
የኢትዮጵያ ብሔራዊ ምርጫ ቦርድ የሲዳማ ዞን ሕዝበ ውሳኔን አፈጻጸም አስመልክቶ የተለያዩ አካላት ጋር የሚደረጉ የተለያዩ ውይይቶችን እንደሚያከናውን ባስቀመጠው የድርጊት መርሃ ግብር መሠረት ነሐሴ 30 ቀን 2019 ዓ.ም. ከደቡብ ክልል ብሔሮች፣ ብሔረሰቦችና ሕዝቦች ምክር ቤት ተወካዮች፣ የክልሉ አመራር አባላትና ከዞኑ ተወካዮች ጋር ውይይት አካሒዷል፡፡ በውይይቱ ላይ የደቡብ ብሔር ብሔረሰቦችና ሕዝቦች አፈጉባኤ ሄለን ደበበ፣ ምክትል አፈጉባኤ መንግሥቱ ሻንካ፣ የክልል መስተዳደር ጽ/ቤት ዋና አማካሪ አኒሳ መልኮ፣ የሲዳማ ዞን ዋና አስተዳዳሪ ደስታ ሌዳሞ፣ ሀዋሳ ከተማ አስተዳደር ከንቲባ ጥራቱ በየነ እና ሌሎች የክልሉ ከፍተኛ አመራሮች ከቦርዱ አባላት ጋር ገንቢ ውይይት አድርገዋል፡፡ በውይይቱም ላይ፦
ሐምሌ 18 ቀን 2011 ዓ.ም.
የኢትዮጵያ ብሔራዊ ምርጫ ቦርድ ያለበትን ከፍተኛ የሥራ ጫና፣ የአቅም ውስነንነት እና የሪፎርም ሥራ መደራረብ የተነሳ በዚህ ዓመት መደረግ የነበረበትን የአካባቢ ምርጫ እና የአዲስ አበባ እና የድሬዳዋ ከተማ ምክር ቤቶች ምርጫ ማካሄድ እንደማይችል ለኢፌዴሪ ተወካዮች ምክር ቤት በጽሁፍ የገለጸ ቢሆንም ምርጫዎቹ ከሚቀጥለው አገራዊ ምርጫዎች ጋር እንዲካሄዱ ምክረሃሳብ ያቀረበውም ሆነ ውሳኔ ያሳለፈው የተወካዮች ምክር ቤት ነው። በመሆኑም ቦርዱ የአካባቢ ምርጫም ሆነ የሁለቱ ከተማ ምክር ቤቶች ምርጫ ከአጠቃላይ ምርጫ ጋር መካሄድ አለባቸው የሚል የውሳኔ ሀሳብ አቅርቧል የሚለው የሚዲያዎች ሪፓርት ማስተካከያ እንዲደረግበት እንጠይቃለን።
የኢትዮጵያ ብሔራዊ ምርጫ ቦርድ
