መጋቢት 11 ቀን 2012 ዓ.ም.

የገዢው ፓርቲን ጨምሮ 45 የፖለቲካ ፓርቲዎች በሁለት የተለያየ ዙር በዚህ ጉዳይ ላይ በተደረገው ውይይት የተሳተፉ ሲሆን በአሁኑ ወቅት ያለው አገራዊ እና ዓለም አቀፋዊ ሁኔታ ለጥቂት ሳምንታት እንኳን ከቀጠለ በቀጣይ በዋናነት መፈጸም በሚገባቸው የመራጮች ትምህርት፣ የአስፈጻሚዎች ስልጠና፣ የቁሳቁስ ስርጭት ከፍተኛ የሰው ዝውውርን የሚያሳትፉ በመሆናቸው የመራጮች ምዝገባ ዝግጅት ላይ የሚያደርሰውን ተጽእኖ ለፖለቲካ ፓርቲ አመራሮች አቅርቧል፡፡ ከዚህ በተጨማሪ ወረርሽኙ በዚሁ መልኩ ከቀጠለ የምርጫው ዝርዝር አፈጻጸም እና የጊዜ ሰሌዳ ላይ ሊያደርስ የሚችለው ተጽእኖዎችን እና ሊፈጠሩ የሚችሉ ሁኔታዎችን ግምገማ ከፓርቲዎች እና ከሚመለከታቸው የመንግሥት አካላት ጋር በተከታታይ እንደሚያደርግ አሳውቋል፡፡ 

መጋቢት 5 ቀን 2012 ዓ.ም.

ይፋ የማድረጊያ ስነ ስርአቱን በንግግር የከፈቱት ብዙወርቅ ከተተ የቦርዱ አመራር አባል ሲሆኑ ጥሪ የተደረገላቸው የፓለቲካ ፓርቲዎች፣ የሲቪል ማህበረሰብ ድርጅቶችና የሚዲያ ተወካዮች ተገኝተዋል።

የህግ ባለሙያ ጌታቸው አሰፋ (ዶ/ር) የምርጫ ክልሎች አከላለል እና ህጋዊ ማእቀፍን አስመልክተው በህገ መንግሥቱ ስለተቀመጠው ምርጫ ክልል ምንነት፣ የምርጫ ክልሎችን መወሰኛ መስፈርትና ተያያዥ የህግ ማእቀፎችን አመላክተው ማብራሪያ አቅርበዋል።

 መጋቢት 5  ቀን 2012 ዓ.ም.

አቶ ሰለሞን አረዳ የፌደራል ጠቅላይ ፍ/ቤት ምክትል ሰብሳቢ ፕሮግራሙን የከፈቱ ሲሆን፤ ጌታሁን ካሳ (ዶ/ር) የኢትዮጵያ ብሔራዊ ምርጫ ቦርድ አመራር አባል የፖለቲካ ፓርቲዎች ምዝገባና፣ የምርጫ እና የሥነ ምግባር አዋጅ ቁጥር 1162/11ን አስመልክተው ሰፋ ያለ ገለጻ አድርገዋል።

ራኬብ አባተ የኢንተርናሽናል ፋውንዴሽን ፎር ኢሌክቶራል ሲስተምስ ካንትሪ ዳይሬክተር የምርጫ ዑደትን እና ዓለም አቀፍ መመዘኛዎችን በተመለከተም ማብራሪያ ሰጥተዋል።

የምርጫ ዑደት እና ዓለም አቀፍ መመዘኛዎችን እንዲሁም አዋጅ ቁጥር 1162/11 ላይ በተሳታፊዎች የቡድን ውይይት እየተደረገ ይገኛል።

የካቲት 28 ቀን 2012 ዓ.ም. 

የአውደ ጥናቱ ዓላማ በመጪው ነሐሴ በሚከናወነው አገር አቀፍ ምርጫ ወቅት ፍርድ ቤቶች የሚኖራቸው ሚና እና የህግ ማእቀፎቹን ማስተዋወቅ እንዲሁም ከዳኞች ጋር ምክክር ማካሔድ ነው፡፡ አውደጥናቱን የከፈቱት የፌደራል ጠቅላይ ፍርድ ቤት ፕሬዘዳንት መአዛ አሸናፊ ሲሆኑ በንግግራቸውም የድምፅ ቆጠራ እና የምርጫ ውጤት ጋር የተገናኙ ክርክሮች መጨረሻው ውሳኔ ሰጪ አካል የፌደራል ጠቅላይ ፍርድ ቤት መሆኑን አስታውሰው፣ በምርጫ ሂደቱ ወቅት ለሚኖሩ የፍትህ ሂደቶችም ልዩ የምርጫ ችሎት ማደራጀት ላይ እንደሚሰራ ተናግረዋል፡፡

የካቲት 27 ቀን 2012 ዓ.ም.

የኢትዮጵያ ብሔራዊ ምርጫ ቦርድ በቀድሞ አዋጅ ተመዝግበው የሚገኙ የፓለቲካ ፓርቲዎች በአዲሱ ህግ ላይ ተቀመጡትን መሥፈርቶች እንዲያሟሉ መጠየቁ ይታወሳል። በዚህም መሠረት ቅንጅት ለአንድነትና ለዴሞክራሲ በአዲሱ አዋጅ በተደነገገው መሠረት 7,214 (ሰባት ሺህ ሁለት መቶ አስራ አራት) ተጨማሪ መሥራች የፓርቲ አባላትን አስፈርሞ እስከ መጋቢት 3 ቀን 2012 ዓ.ም. ድረስ እንዲያቀርብ ተገልጾለት ነበር። ፓርቲው ጥር 26 ቀን 2012 ዓ.ም. ከ8 ክልሎች የተሰበሰበ የመሥራች አባላት ፊርማ የያዘ ሰነድ ለቦርዱ አቀርቧል። በመሆኑም የቀረበው ሰነድ ላይ የሚከተሉትን ቦርዱ አስተውሏል፡፡

የካቲት 26 ቀን 2012 ዓ.ም.

የኢትዮጵያ ብሔራዊ ምርጫ ቦርድ በአዋጅ በተሰጠው ስልጣን መሠረት ፓለቲካ ፓርቲዎች ከመመዝገብ በተጨማሪ የተለያዩ ድጋፎችን እንደሚያደርግ ይታወቃል። በዚህም መሠረት ሰሞኑን ከተለያዩ ፓርቲዎች የቀረበለትን አቤቱታ አስመልክቶ ምላሾችን ሰጥቷል። በዚህም መሠረት፣ አቤቱታ ያቀረቡ ፓርቲዎች እና ያቀረቧቸው አቤቱታዎች፦

1. ትግራይ ዴሞክራሲያዊ ፓርቲ /ትዴፓ/ - እስር፣ ማስፈራራትና ቢሮ መዘጋት፣

2. ኢትዮጵያ ዜጎች ለማህበራዊ ፍትህ ፓርቲ /ኢዜማ / - ስብሰባዎች መሰናከል፣ በጎንደር በደብረብርሃን እና የጸጥታ ኃይሎች ለመሰናከሉ ትብብር ማድረጋቸው፣