የኢትዮጵያ ብሔራዊ ምርጫ ቦርድ የፓለቲካ ፖርቲዎች የውስጥ አለመግባባት አፈታት ስርዓታቸውን አጠናክረው እንዲተገብሩ የሚስችል የአቅም ግንባታ ስልጠና መስጠት ጀመረ፡፡

መልካም አስተዳደርን ለማጎልበት እና የዲሞክራሲ ሥርዓት ግንባታ ሂደትን ለማጠናከር የኢትዮጵያ ብሔራዊ ምርጫ ቦርድ ዘርፈ ብዙ ስራዎችን እየሰራ ይገኛል፡፡ ከነዚህም መካከል የፓለቲካ ፓርቲዎችን አቅም ማጎልበት ይገኝበታል፡፡ የስልጠናው ዋንኛ ዓላማ ፖለቲካ ፓርቲዎች የውስጥ አለመግባባቶችን የሚፈቱበት ዘላቂነት ያለው ጠንካራ አደረጃጀት እና ሥርዓት ፈጥረው አለመግባባቶችን በውስጥ አቅማቸው ለመፍታት እንዲችሉ ለማድረግ ነው፡፡

የኢትዮጵያ ብሔ

የኢትዮጵያ ብሔራዊ ምርጫ ቦርድ የሥነ-ዜጋና የመራጮች ትምህርትን የተመለከተ የማኅበረሰብ ቲያትር በአዲስ አበባ ከተማ በሚገኙት በኮከበ ጽባሕ እና በከፍተኛ 12 ሁለተኛ ደረጃ ት/ቤቶች፤ እንዲሁም “በጃንሜዳ የስፖርትና የሥልጠና ማዕክል” እና በመዲናዋ ከፍተኛ የሕዝብ እንቅስቃሴ ከሚበዛባቸው አካባቢዎች አንዱ በሆነው በመገናኛ አካባቢ አቀረበ።

በከፍተኛ የትምህርት ተቋማቱ ውስጥ በቀረበው ቲያትር ላይ ከ9ኛ-12ኛ ክፍል የሚገኙ ተማሪዎች፣ መምህራንና የአስተዳደር ሠራተኞች የተገኙ ሲሆን፤ በቲያትሩም ላይ ስለምርጫ ሥነ-ባህሪያት፣ ስለመሠረታዊ የዴሞክራሲ ጽንሰ-ሐሳብና መርኆዎች፣ ስለማኅበራዊ አካታችነትና አካል ጉዳተኝነት ዲሞክራሲ ለዜጎች የሚያስገኘውን መብት ተግባራዊ ከማድረግ ሊገድበን እንደማይገባ እያዝናና የሚያስተምር መልዕክት ተላልፎበታል።

የኢትዮጵያ ብሔራዊ ምርጫ ቦርድ “አሣታፊ የማኅበረሰብ ቲያትር ለአካታች የሥነ-ዜጋና የመራጮች ትምህርት” በሚል ርዕስ በባህር ዳር ከተማ በሚገኘው ፓፒረስ አደባባይ (ሰንበት ገበያ) ላይ ቲያትር አቀረበ። በኪነ-ጥበብ ሥራው ላይ ሥርዓተ ፆታና ማኅበራዊ አካታችነትን፣ ሐሰተኛ መረጃን መከላከልና ኃቅን ማጣራትን፣ የዜጎች መብቶችና ግዴታዎችን፣ ሰላማዊ የግጭት አፈታትን፣ የእያንዳንዱ ዜጋ የምርጫ ተሣትፎና የድምፅ ዋጋን የተመለከቱ የግንዛቤ ማስጨበጫ መልዕክቶች ተላልፈውበታል።

ቦርዱ ከአማራ ክልል “ፎቶ’ግራፈር እና ቪዲዮ’ግራፈር ባለሙያዎች ማኅበር” ጋር በመተባበር ያዘጋጀው ሕዝብን እያዝናኑ ግንዛቤ የማስጨበጫ የኪነ-ጥበብ ሥራ በቀጣይ በተለያዩ የአማራ ክልል ከተሞች የሚካሄድ ይሆናል።

የኢትዮጵያ ብሔራዊ ምርጫ ቦርድን ላለፉት ስድስት ዓመታት ያገለገሉት የቀድሞ የቦርድ ሥራ አመራር አባላት፤ ምክትል ሰብሳቢ ውብሸት አየለ፣ የቦርድ ሥራ አመራር አባላት ብዙወርቅ ከተተ እና ዶ/ር አበራ ደገፋ የምስጋና ሽኝት ሥነ-ሥርዓት፤ እንዲሁም የአዲስ ተሿሚ ሥራ አመራር አባላት፤ ምክትል ሰብሳቢ ተስፋዬ ነዋይ፣ የቦርድ ሥራ አመራር አባላት ተክሊት ይመስል እና ነሲም አሊን የአቀባበል ሥነ-ሥርዓት ተካሂዷል።

የቦርዱ ዋና ሰብሳቢ ሜላትወርቅ ኃይሉ እና የቦርድ ሥራ አመራር አባሉ ፍቅሬ ገ/ሕይወት፣ የቀድሞ የቦርድ ሥራ አመራር አባላት ቤተሰቦች፣ የቦርዱ የዋናውና የቅርንጫፍ ጽ/ቤት ሠራተኞች እንዲሁም ተጋባዥ እንግዶች በተገኙበት የተካሄደው የምስጋና ሽኝት መድረክ ላይ በርካታ የቀድሞ ሥራ አመራሮችን ስኬት የሚያሳዩ አጫጭር ዶክመንተሪዎች የታዩ ሲሆን፤ በቦርዱና በሥራ ባልደረቦቻቸውም የአክብሮትና የምስጋና መግለጫ ሽልማቶች ለቀድሞ አመራሮችና ለቤተሰቦቻቸው ተበርክቷል።

የኢትዮጵያ ብሔራዊ ምርጫ ቦርድ በተያዘው በጀት ዓመት ካከናወናቸው በርካታ ተግባራት መካከል በተለያዩ ክልሎችና ከተማ መስተዳድሮች ውስጥ ለሚገኙ የብሔራዊ ዩኒቨርስቲ በጎ-ፍቃደኛ ተማሪዎች ስለምርጫ ሂደትና ስለዴሞክራሲያዊ ሥርዓት ግንባታ በቂ ግንዛቤ እንዲያገኙ የሚያስችል ትምህርቶችንና መረጃዎችን ተደራሽ ማድረግ ይጠቀሳል። በተያዘው ወር ሥልጠናው ከተሰጣቸው በጎ-ፍቃደኛ ወጣቶች ውስጥ 25 የሐረሪ ጤና ሳይንስ ኮሌጅ ተማሪዎች ሲኖሩበት፤ ቦርዱ ቀደም ሲል ከሰባት ዩኒቨርስቲዎች ለተውጣጡ በጎ-ፍቃደኛ ተማሪዎች፤ በያሉበት ክልሎችና ከተማ መስተዳድሮች ሆነው ሥልጠናውን እንዲወስዱ አድርጓል።

የኢትዮጵያ ብሔራዊ ምርጫ ቦርድ በመቐለ ከተማ በሚገኙት መቐለ ዩኒቨርስቲ ዓዲሓቂ ካምፓስ እና በደሳለኝ ሆቴል ለተለያዩ የኅብረተሰብ ክፍሎች የማኅበረሰብ ቲያትር አቀረበ። የኪነ-ጥበብ ሥራው ከተለያዩ ዞኖችና ወረዳዎች ለተውጣጡ የኅብረተሰብ ክፍሎች አንዲሁም በትግራይ ክልል ለሚንቀሳቀሱ የሲቪል ማኅበረሰብ ድርጅቶች የቀረበ ሲሆን፤ በተመሳሳይ መልኩ በመቐለ ዩኒቨርስቲ አዲ ሀቂ ካምፓስ ለሚገኙ ተማሪዎችም ቀርቧል።

ቦርዱ ፍኖት የሕግ ባለሙያዎች ማኅበር ከተባለ የሲቪል ማኅበረሰብ ድርጅት ጋር በመተባበር ያዘጋጀው ቲያትር ዋና ዐላማ፤ሰላም ምርጫን ጨምሮ ለሁሉም ነገር መሠረት እንደሆነና እያንዳንዱ ዜጋ ሰላምን ለማስፈን ኃላፊነት እንዳለበት ግንዛቤ መፍጠር ሲሆን፤ በቀጣይም ፍኖት የሕግ ባለሙያዎች ማኅበር በትግራይ ክልል በተለያዩ አካባቢዎች ለሚገኙ የኅብረተሰብ ክፍሎች የኪነ-ጥበብ ሥራውን ለማቅረብ ዝግጅቱን አጠናቋል።

የኢትዮጵያ ብሔራዊ ምርጫ ቦርድ የተለያዩ አማራጮችን በመጠቀም የሥነ ዜጋ እና የመራጮች ትምህርት በመስጠት ላይ መሆኑ ይታወቃል። ከነዚኽም አማራጮች አንዱ በተለያዩ ክልሎችና ከተማ መስተዳድሮች በሚገኙ ብሔራዊ ዩኒቨርስቲዎች ለሚማሩ በጎ-ፍቃደኛ ተማሪዎች ትምህርቱን በመስጠት በተዋረድ ለአካባቢያቸው ማኅበረሰብ ግንዛቤ እንዲፈጥሩ ማስቻል ይጠቀሳል። ቦርዱ በያዝነው ወር ለጋምቤላ እና ለጅግጅጋ ዩኒቨርሲቲ በጎ-ፍቃደኛ ተማሪዎች ሥልጠናውን የሰጠ ሲሆን፤ ቀደም ሲልም በአምስት የተለያዩ ዩኒቨርስቲዎች ለሚገኙ በጎ-ፍቃደኛ ተማሪዎች ሥልጠናውን ሰጥቷል።

የኢትዮጵያ ብሔራዊ ምርጫ ቦርድ “የሥነ-ዜጋና የመራጮች ትምህርት እና ሁሉን አካታች የምርጫ ተሣትፎ” በሚል ርዕስ የማኅበረሰብ ቲያትር በአዳማ ከተማ በናፍያድ ሁለተኛ ደረጃ ት/ቤት አካሄደ። ምርጫ ሁሉንም የማኅበረሰብ ክፍሎች የሚያካትት መሆኑንና አካል ጉዳተኛ ዜጎች ዲሞክራሲያዊ መብታቸው የሚያስገኝላቸውን የመምረጥ መመረጥ መብታቸውን ተግባራዊ ከማድረግ ወደ’ኋላ ሊያስቀራቸው እንደማይገባ ግንዛቤ ለማስጨበጥ ታስቦ በተዘጋጀው የማኅበረሰብ ቲያትር ላይ የትምህርት ቤቱ ተማሪዎች፣ መምህራን እንዲሁም የአስተዳደር ሠራተኞች የተሣተፉበት ሲሆን፤ ቲያትሩም በአማርኛና በአፋን ኦሮሞ ቋንቋዎች ቀርቧል። በቲያትሩ ላይ መስማት የተሳናቸው ተሣታፊዎችን ከግምት ውስጥ በማስገባት በምልክት ቋንቋ እንዲከታተሉት ተደርጓል።

የኢትዮጵያ ብሔራዊ ምርጫ ቦርድ ዜጎች የሥነ¬-ዜጋና የመራጮች ትምህርት ላይ የተሻለ መረዳት እንዲኖራቸው ለማስቻል በማሰብ በተለያዩ ዩኒቨርስቲዎች ለሚገኙ በጎ-ፈቃደኛ ተማሪዎች ሥልጠና መስጠት መጀመሩ ይታወቃል። ቀደም ሲል ቦርዱ ለአዲስ አበባ፣ ለሰመራ እንዲሁም ለድሬዳዋ ዩኒቨርሲቲ በጎ-ፈቃደኛ ተማሪዎች ሥልጠናውን የሰጠ ሲሆን፤ አሁን ደግሞ ለባሕር ዳር እና ለአሶሳ ዩኒቨርሲቲ በጎ-ፈቃደኛ ተማሪዎች ሥልጠናውን ሰጥቷል።