ማስታወቂያ

የኢትዮጵያ ብሔራዊ ምርጫ ቦርድ መስከረም 20 ቀን 2014 ዓ.ም ድምፅ ለሚሰጥባቸው የምርጫ ክልሎች ማለትም በሃረሪ ክልል፣ በሶማሌ ክልል የተወሰኑ ምርጫ ክልሎች እና ደ/ብ/ብ/ህ ክልል ምእራብ ኦሞ ዞን የመራጮች ምዝገባን ሲያከናውን መቆየቱ እና የምዝገባው እለትም ዛሬ ጷግሜ 05 ቀን እንደሚጠናቀቅ ይታወሳል። በተለያዩ ቦታዎች ለመመዝገብ ፈልገው እድሉን ያላገኙ ዜጎችን ለማካተት ሲባል በተጨማሪነት ምዝገባው መስከረም 02 ቀን 2014 አ.ም እሁድ እንዲከናወን መወሰኑን እያሳወቅን የመራጮች ምዝገባ የመጨረሻ ቀን መስከረም 02 ቀን 2014 መሆኑን በመገንዘብ የፓለቲካ ፓርቲዎች፣ የመራጮች ትምህርት ሰጪዎች እና ሚዲያዎች ዜጎች ተጨማሪውን ቀን ተጠቅመው እንዲመዘገቡ እንዲያበረታቱ እየጠየቅን የምርጫ አስፈጻሚዎችም በተጨመረው አንድ ቀን የመራጮች ምዝገባን በምርጫ ጣቢያው ተገኝተው እንዲያከናውኑ እናሳስባለን

የኢትዮጵያ ብሔራዊ ምርጫ ቦርድ