የኢትዮጵያ ብሔራዊ ምርጫ ቦርድ የእጩዎች ምዝገባን ሂደትን አስመልክቶ በተለያየ ወቅት የተለያዩ መረጃዎችን ሲያደርስ እንደነበር ይታወቃል። በተጨማሪም የእጩዎች ምዝገባን አስመልክቶ ሶስት የተለያዩ ምክክሮችን ከፓርቲዎች ጋር አከናውኗል::
በመሆኑም በመጀመሪያ ዙር እጩዎች ምዝገባ የተጀመረባቸው ክልልሎች/የከተማ መስተዳድሮች ማለትም
- በአዲስ አበባ
- በድሬዳዋ
- በኦሮሚያ
- በሃረሪ
- በጋምቤላ
- በቤኒሻንጉል ጉሙዝ
የእጩዎች ምዝገባ በትላንትናው እለት ተጠናቋል።
የእጩዎች ምዝገባን ዘግይተው በጀመሩ ክልልሎች እና ቦታዎች ማለትም
- በአማራ
- በሶማሌ
- በአፋር
- በምእራብ፣ምስራቅ ወለጋ ዞን ኦሮሚያ፣ቄለም ወለጋ እና ሆሮ ጉድሩ
- በደ/ብ/ብ/ህ
- በሲዳማ
በመርሃ ግብሩ መሰረት ዛሬ የካቲት 26 ቀን 2013 ዓ.ም ሊጠናቀቅ እንደሚገባው ይታወቃል።
ነገር ግን በቢሮዎች መከፈት መዘግየት የተነሳ፣ እንዲሁም የትራንስፓርት እና ሌሎች እክሎችን እና የፓርቲዎች አቤቱታዎችን ከግምት ውስጥ በማስገባት በሁለተኛ ዙር የእጩዎች ምዝገባ እስከ የካቲት 30 ቀን 2013 ዓ.ም ድረስ መራዘሙን እያሳወቅን ፓርቲዎች በተሰጡት ተጨማሪ ቀናት ውስጥ ምዝገባቸውን አንዲያጠናቅቁ እናሳስባለን