የኢትዮጵያ ብሔራዊ ምርጫ ቦርድ ከተለያዩ የአካል ጉዳተኞች ማህበራት ጋር ምክክር አካሄደ

የካቲት 19 ቀን 2012 ዓ.ም.                                                                                                          

የኢትዮጵያ ብሔራዊ ምርጫ ቦርድ አካል ጉዳተኞች በምርጫ ሂደት ስላላቸው ተሳትፎ እንዲሁም ስለ አዲሱ የምርጫ ህግ አካታችነት ከቦርዱ አመራሮችና ሠራተኞች፣ ከክልል ቅርንጫፍ ጽህፈት ቤት የተወጣጡ ሠራተኞች፣ ከኢትዮጵያ አካል ጉዳተኞች ብሔራዊ ማህበራት ፌዴሬሽን (ኢአጉብማፌ) እንዲሁም ከተለያዩ የአካል ጉዳተኞች ማህበራት ተወካዮች ጋር ምክክር እያካሄደ ይገኛል።
በምክክሩ ከተነሱት ዋና ዋና ሀሳቦች መካከል፦

• የምርጫ ሂደት ቅድመ ምርጫ ዝግጅት ወቅት የተለያዩ ጥናቶች እና ስልጠና ሲካሄዱ አካል ጉዳተኞችን የማካተት አስፈላጊነት፣
• አካታች የምርጫ ህግና ፓሊሲ ማአቀፎች አስፈላጊነት፣
• የምርጫ ሥፍራዎች አመቺነት፣ በምርጫ ታዛቢነት መካፈል፣ እንዲሁም የተለያዩ ሀገራት በምርጫ ሂደት እና ያላቸውን ተሞክሮ መዳሰስ ይገኙበታል።