በዲሞክራሲያዊ አስተዳደር ሥርዓት ዜጎች ነጻ የሆነ ሀሳባቸው የሚገልጹበት እና ሀገርን የሚያስተዳደሩ ብቁ ዕጩዎችን ለሥልጣን የሚያበቁበት አንዱ መንገድ ድምፅ መስጠት ወይም መምረጥ ነው፡፡
ስለዚህም የዜጎች መምረጥ
- የዲሞክራሲያዊ አስተዳደር ቁልፍ ጽንሰ ሃሳብ የሚረጋገጥበት፣
- በህዝብ የተወከለ መንግሥትን የሚያቋቁሙበት፣
- እኩልነትን የሚያረጋግጡበት፣
- የሀገር ፍቅርን የሚገልጹበት እና ዘመናዊነትን የሚለማመዱበት፣
- በሀገራቸው ጉዳይ ላይ የየግል አሻራቸውን የሚያኖሩበት፣
- የመረጧቸው ተወካዮችን ተጠያቂነትን የሚያረጋግጡበት፣
- በተለያዩ ሀገር አቀፍ እና ዓለም አቀፍ መድረኮች የሚወክላቸውን አስተዳደራዊ አካል የሚመርጡበት፣
- መንግሥት ለዜጎቹ የሚጠቅም ፓሊሲዎች እንዲያዘጋጅና እንዲተገብር የሚያደርጉበት፣
- ሃሳብን የመግለጽ እድልን የሚያረጋግጡበት፣
- የመልካም አስተዳደር መስፈንን የሚከታተሉበት ዓይነተኛ መሳሪያ ነው፡፡ በተጨማሪም ዜጎች አለመምረጥ የሚያስከትለውን አሉታዊ ተጽዕኖዎች ማለትም፣
- ሊወክላቸው በማይችል ወኪል መተዳደር፣
- ባልመረጧቸው እና ባልደገፏቸው የአስተዳደር አካላት ውሳኔ እንዲሁም አስተዳደራዊ ሥርዓት ስር ተገዢ መሆን፣
- ዜጎች የደገፏቸው የተሻለ የአመራር ሥርዓት ያለው ተወዳዳሪ ተመራጭ አለመሆን፣
በተጨማሪም ዜጎች አለመምረጥ የሚያስከትለውን አሉታዊ ተጽዕኖዎች ለመከላከል ዜጎች የዜግነት መብታቸውን በመጠቀም ድምፅ መስጠት ይኖርባቸዋል፡፡